30 ਤਰੀਕ ਤੱਕ ਜਾਰੀ ਹੋਣ ਵਾਲ਼ੇ ਸਿੱਧੂ ਮੂਸੇਵਾਲ਼ੇ ਦੇ ਨਵੇਂ ਆ ਰਹੇ ਗੀਤ ਨੂੰ ਲੈ ਕੇ ਸਰੋਤਿਆਂ ਦੇ ਇੱਕ ਵੱਡੇ ਵਰਗ ‘ਚ ਉਡੀਕ ਤੇ ਚਰਚਾ ਜੋਰਾਂ ਤੇ ਦੇਖਣ ਨੂੰ ਮਿਲ ਰਹੀ ਹੈ। ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਸਿੱਧੂ ਦੇ ਵਿਰੋਧੀ ਖੇਮਿਆਂ ਨੂੰ ਬਰਾਬਰ ਗੀਤ ਰਿਲੀਜ਼ ਕਰਨ ਦੀਆਂ ਥਾਪੀਆਂ ਵੱਜ ਰਹੀਆਂ ਹਨ।
ਬਰੋਟਾ ਟਾਇਟਲ ਥੱਲੇ ਮਸ਼ਹੂਰ ਸੰਗੀਤਕਾਰ ‘ਦ ਕਿੱਡ’ ਦੇ ਸੰਗੀਤ ‘ਚ 5911 ਰਿਕਾਰਡਜ਼ ਦੀ ਇਸ ਪੇਸ਼ਕਸ਼ ਨੂੰ ਲੈ ਕੇ ਸਿੱਧੂ ਮੂਸੇਵਾਲ਼ੇ ਦੀ ਸੰਸਾਰ ਪੱਧਰ ਦੀ Fan Following ਉਡੀਕ ਵਿੱਚ ਹੈ। ਸੰਗੀਤ ਦੇ ਸਾਰੇ ਪਲੇਟਫਾਰਮਾਂ ‘ਤੇ ਇਹ ਗੀਤ 30 ਤਰੀਕ ਤੱਕ ਜਾਰੀ ਕਰ ਦਿੱਤਾ ਜਾਵੇਗਾ।
ਜ਼ਿਕਰਯੋਗ ਹੈ ਕਿ ਪਹਿਲਾਂ ਕਦੇ ਵੀ ਕਿਸੇ ਮਰਹੂਮ ਪੰਜਾਬੀ ਕਲਾਕਾਰ ਦੇ ਗੀਤਾਂ ਦੀ ਇਸ ਤਰ੍ਹਾਂ ਉਡੀਕ ਨਹੀਂ ਹੋਈ। ਸਿੱਧੂ ਮੂਸੇਵਾਲ਼ੇ ਦੇ ਪਰਿਵਾਰ ਮੁਤਾਬਿਕ ਉਸਦਾ ਕਾਫੀ ਮੈਟਰ ਸੁਰੱਖਿਅਤ ਹੈ ਜਿਸ ਨੂੰ ਵਕਫਿਆਂ ਮਗਰੋਂ ਜਾਰੀ ਕੀਤਾ ਜਾਂਦਾ ਰਹੇਗਾ।
