ਗੁਰੂ ਸਾਹਿਬ ਦੀ ਬ੍ਰਹਿਮੰਡੀ ਸ਼ਹਾਦਤ ਦੇ ਯਾਦ: ਆਸਟਰੇਲੀਅਨ ਸੰਸਦ ‘ਚ ਹੋਣਗੇ ਸਮਾਗਮ

ਤੇਜਸ਼ਦੀਪ ਸਿੰਘ ਅਜਨੌਦਾ ਮੈਲਬਰਨ ਤੋਂ

ਗੁਰੂ ਤੇਗ ਬਹਾਦਰ ਸਾਹਿਬ ਦੀ ਸ਼ਹਾਦਤ ਦੇ 350ਵੇਂ ਸਾਲ ‘ਤੇ ਆਸਟਰੇਲੀਅਨ ਸੰਸਦ ‘ਚ ਵਿਸ਼ੇਸ਼ ਸਮਾਗਮ ਰੱਖੇ ਗਏ ਹਨ। ਵੀਰਵਾਰ 27 ਨਵੰਬਰ ਨੂੰ ਹੋਣ ਜਾ ਰਹੇ ਇੰਨ੍ਹਾਂ ਸਮਾਗਮਾਂ ‘ਚ ਮੁਲਕ ਦੇ ਪ੍ਰਧਾਨ ਮੰਤਰੀ ਐਂਥਨੀਂ ਐਲਬਨੀਜ਼ ਸ਼ਾਮਲ ਹੋਣਗੇ। ਸਿੱਖ ਚਿੰਤਕ ਸ੍ਰ ਅਜਮੇਰ ਸਿੰਘ ਇਸ ਮੌਕੇ ਸੰਗਤਾਂ ਨਾਲ ਵਿਚਾਰ ਸਾਂਝੇ ਕਰਨਗੇ।

ਇਸ ਸਮਾਗਮ ਦਾ ਸਾਰਾ ਪ੍ਰਬੰਧ ਕਰ ਰਹੀ ਸਿੱਖਾਂ ਦੀ ਵੱਡੀ ਸੰਸਥਾ ‘ਸਿੱਖ ਵਲੰਟੀਅਰਜ਼’ ਤੋਂ ਭਾਈ ਜਸਵਿੰਦਰ ਸਿੰਘ ਹੋਰਾਂ ਮੁਤਾਬਕ ਗੁਰੂ ਸਾਹਿਬ ਦੀ ਯਾਦ ਨੂੰ ਸਮਰਪਿਤ ਇੰਨ੍ਹਾਂ ਸਮਾਗਮਾਂ ‘ਚ ਮੁਲਕ ਭਰ ਤੋਂ ਵੱਡੀ ਗਿਣਤੀ ‘ਚ ਸੰਗਤਾਂ ਸ਼ਮੂਲੀਅਤ ਕਰਨਗੀਆਂ। ਇਸ ਮੌਕੇ ਵੱਖ ਵੱਖ ਸੰਸਦ ਮੈਂਬਰ ਵੀ ਆਪਣੀ ਹਾਜ਼ਰੀ ਭਰਨਗੇ। ਇਸ ਤੋਂ ਇਲਾਵਾ ਸਿੱਖ ਇਤਿਹਾਸ ਦੀਆਂ ਵੱਡਮੁੱਲੀਆਂ ਨਿਸ਼ਾਨੀਆਂ ਵੀ ਪ੍ਰਦਰਸ਼ਿਤ ਹੋਣਗੀਆਂ।

ਜ਼ਿਕਰਯੋਗ ਹੈ ਕਿ ਇਤਿਹਾਸ ‘ਚ ਇਸ ਪੱਧਰ ਦਾ ਇਹ ਪਹਿਲਾ ਵੱਡਾ ਸਿੱਖ ਸਮਾਗਮ ਆਸਟਰੇਲੀਅਨ ਸੰਸਦ ‘ਚ ਹੋਣ ਜਾ ਰਿਹਾ ਹੈ।

Share it: